Draumur

Þú kemur til mín
í draumi

spyrð
- elskarðu mig
ég gríp þig í fangið
kyssi þig létt
a ennið
og svara
- já, að eilífu... og svo einn dag enn

vakna sveittur
og arma mína verkjar
af tómleika

Sólsetur

rökkrið læðist að
hylur
ærandi dagsbyrtuna

rauður himinninn
steypist niður
og ég óska þess
að geta staldrað við
að eilífu

Guðs börn

Það er kannski
þras
en stundum fer í taugarnar á mér
hvað ég þekki marga engla
með nafni

sjálf

Í þögninni finn ég
að ég á enga innri rödd
aðeins öskrið
sem rennur með blóði mínu
endalaust

Ljósaskipti

Blár sjóndeildarhringurin
- eins og skil milli draums og vöku
þegar nýfallinn snjórinn
og skýjaður himininn
renna saman í eitt

Tal

stundum eru of mörg orð

sem segja of lítið

von

og þú
komst inn í líf mitt
eins og ljós

sem breytir draugunum bak við hurðina
í náttsloppa

Eldorado

Þokan umlykur rætur fjalsins
og undan henni
áin
hljóðlega
eins og hún vilji ekki trufla

hvítur jökullinn
rís hátt
og handan hans
fyrirheitna landið

þangað fer ég
þegar ég dey

Nóttin

Svei þér tungl, sem glottir

því þú veist
að myrkrið dregur sorgina
ofan á mig
og kyssir mig grátandi
góða nótt

Svei þér tungl, sem glottir

til Rögnu

Þú
ert draumurinn
sem mig dreymir
meðan norðurljósin dansa yfir himininn

og frosin stráin
eru álfar
sem horfa á í andakt

hilling

Horfum saman
á sólina setjast
þú og ég
einu sinni enn

ósk

Komdu aftur

svo að brennandi tár mín
fái fallið
á öxl þína

gjálfur

ég um mig
frá mér til mín
þú um þig
frá þér til þín

þú um mig
frá þér til mín
ég um þig
frá mér til þín